საიტზე მიმდინარეობს ტექნიკური სამუშაოები

დამოუკიდებლობის დღესთან დაკავშირებით, ავსტრიულ გამოცემა Kronen Zeitung-ში საქართველოს ელჩის, ქეთევან ციხელაშვილის ინტერვიუ გამოქვეყნდა.

დამოუკიდებელი საქართველო

"ყოველდღიური ბრძოლა მშვიდობისა და თავისუფლებისთვის"

 

საქართველოს ელჩმა ქეთევან ციხელაშვილმა 26 მაისს საქართველოს დამოუკიდებლობის დღესთან დაკავშირებით  ავსტრიული ყოველდღიური გაზეთის ”კრონენ ცაითუნგის” საგარეო პოლიტიკის რედაქტორ კლემენს ზავარსკის ესაუბრა. საუბარი შეეხო ბერტა ფონ ზუტნერის, ბაღის ბავშვების (რომლებიც პატივს სცემენ სტალინს და ლენინს) და რუსეთის მხრიდან მუდმივი საფრთხის საკითხებს.

 

"კრონე": ქალბატონო ელჩო, როგორ აღნიშნეთ საქართველოს დამოუკიდებლობის დღე?

ქეთევან ციხელაშვილი: წელს, ვერც აქ და ვერც საქართველოში  ვერ აღვნიშნეთ ჩვენი დამოუკიდებლობის დღე ტრადიციების შესაბამისად, მსოფლიოში არსებული პანდემიის გამო, რაც ძალიან სამწუხაროა.  წელს ჩვენ საიუბილეო თარიღს - საქართველო დამოუკიდებლობის აღდგენის 30 წლისთავს აღვნიშნავთ. ზუსტად 30 წლის წინ საქართველომ მეორეჯერ მოიპოვა  დამოუკიდებლობა რუსეთისგან და   გახდა  დემოკრატიული სახელმწიფო. იმედს გამოვთქვამ, რომ მომავალ წელს საელჩოში შევძლებთ შესაბამისი ზეიმის ჩატარებას.

"კრონე": მაგრამ, როგორც ჩემთვის ცნობილია, პირველი დამოუკიდებლობის აღდგენის თარიღად 1918 წელი ითვლება, მართალია?

ქეთევან ციხელაშვილი: დიახ, აბსოლუტურად სწორია. ეს ბევრმა არ იცის, ჩვენ დამოუკიდებელი ვიყავით 1918 წლიდან 1921 წლამდე, სულ სამი წელი.  კონსტიტუციაც 1921  მივიღეთ,  რომელიც, რა თქმა უნდა ადპტირდა, მას შემდეგ რაც დამოუკიდებლობ მეორე მოვიპოვეთ. საქართველო ასევე იყო ერთერთი პირველი ქვეყანა, რომელსაც  სოციალდემოკრატები მართავდნენ.

"კრონე": და მალევე საქართველოს, ევროპელი სოციალ-დემოკრატები ეწვივნენ. ავსტრიაც მათ შორის.

ქეთევან ციხელაშვილი:  დიახ, მართალია. ავსტრიამ არა მხოლოდ ცნო საქართველოს დამოუკიდებლობა, არამედ გახსნა ორი საკონსულო. ბათუმსა და თბილისში. ჩვენი კონსტიტუცია ძალიან პროგრესული იყო. იგი იცავდა კერძო საკუთრებას, მშრომელთა უფლებებს და ქალების პოლიტიკურ მონაწილეობას. იმ დროს ჩვიდმეტი ქალი მონაწილეობდა საპარლამენტო არჩევნებში, მათგან ხუთი პარლამენტში მოხვდა, მათ შორის იყო მსოფლიოში პირველი დემოკრატიულად არჩეული მუსლიმი ქალი პარლამენტარი. ავსტრიაზე საუბრისას: ბევრმა არ იცის, რომ ბერტა ფონ ზუტნერ, რომელ გახლდათ პირველი  ნობელის პრემიის ლაურეატი ქალი  და მისი მეუღლე არტური თითქმის ათი წლის განმავლობაში ცხოვრობდნენ საქართველოში (1876 - 1885). ზუტნერების ოჯახი პრინცესა ეკატერინე დადიანის კარგი მეგობრები იყვნედა მათ საქართველოში რამდენიმე წიგნიც დაწერეს.  საქართველოში გატარებულმა წლება, იმოქმედა მის შემდგომ ნამუშევარზეძირს იარაღო!” რომელიც დღეს საქართველოს რეალობას ერგება. ჩვენ დღეს გვსურს ძირს იარაღი.   სწორედ ამიტომ, საქართველოს ფოსტამ, დამოუკიდებლობის 30 წლისთავთან დაკავშირებით, გამოუშვა საპატიო მარკა ბერტა ფონ ზუტნერის გამოსახულებით.

"კრონე": როდესაც საქმე ეხება ომს და მშვიდობას საქართველოში, შეუძლებელია გვერდი ავუაროთ რუსეთზე საუბარს. როგორ აღწერდით თქვენს ურთიერთობას რუსეთთან?

ქეთევან ციხელაშვილი:  ამ თემაზე საუბრისას მეუფლება გრძნობა, რომ თითქოს ჩვენი ბრძოლა დამოუკიდებლობისთვის და თავისუფლებისთვის ჯერ არ დასრულებულა. საბჭოთა კავშირის დროს მთელი საქართველო ოკუპირებული იყო, დღეს 20 პროცენტი კვლავ ოკუპირებულია რუსეთის მიერ, რომელიც თავს საბჭოთა კავშირის ლეგიტიმურ მემკვიდრედ თვლის. ეს არის ყოველდღიური ბრძოლა მშვიდობისთვის, ეს არის მუდმივი საფრთხე.

"კრონე" თქვენ გულისხმობთ აფხაზეთისა და სამხრეთ ოსეთის რეგიონებს, რომლებიც ოკუპირებულ იქნა რუსეთის მიერ 2008 წლის ომის შემდეგ?


ქეთევან ციხელაშვილი:  დიახ, ჩვენ ვდგავართ ყოველდღიური პროვოკაციების წინაშე. რუსმა სამხედროებმა გააბეს მავთულხლართები სახლებზე და მიწის ნაკვეთებზე; ეს რკინის ფარდას ჰგავს, რომელიც საქართველოს ტერიტორიაზე გადის. სამხრეთ ოსეთი სამხედრო გეტოს ჰგავს, სადაც რუსეთის ათი ათასი სამხედრო დგას, მაშინ როცა მოსახლეობა სულ ოცი ათასია. მოსახლეობის დიდი ნაწილი იძულებით გადაადგილებულია  და სამხედროები ყოველ მეორე ან მესამე დღეს სამხედრო წვრთნებს ატარებენ. ჩვენ მუდმივ მზადყოფნაში ვართ, რაც ჩვენს ნერვებზე მოქმედებს. მაგრამ, ჩვენ მეზობლებთან ომი არ გვინდა, ეს თვითმკვლელობის ტოლფასი იქნებოდა, ჩვენ გვინდა მშვიდობა.

"კრონე": როგორ შეიძლება ეს მშვიდობა გამოიყურებოდეს ?


ქეთევან ციხელაშვილი: კარგი ურთიერთობის საფუძველი იქნება რუსეთის მიერ საქართველოს ტერიტორიის პატივისცემა. სანამ საქართველო მავთულხლართებით არის გამოყოფილი, ნორმალური დიპლომატიური ურთიერთობების დამყარება ვერ მოხდება. ჩვენ, საერთაშორისო საზოგადოების დახმარებით, ვცდილობთ დავიბრუნოთ ჩვენი ტერიტორია, რომ შევძლოთ იძულებით გადაადგილებული თითქმის 300 000 პირის სამშობლოში დაბრუნება. მაგრამ, საფრთხე არ არის მხოლოდ ტანკები, ეს არის ასევე ყალბი ამბები. რუსული პროპაგანდა ბიძგს აძლევს რეგიონში დეზინფორმაციის კამპანიას, რომელიც საფრთხეს უქმნის ჩვენი დემოკრატიის საყრდენებს და ფუნდამენტურ ღირებულებებს. თქვენ გახსოვთ ბრალდებები რუსეთის მიერ აშშ-ს არჩევნებში ჩარევასთან დაკავშირებით, სქართველოში ეს 1990–იანი წლებიდან ხდება. დიახ, ჩვენ გვაქვს რეგიონული პრობლემა, მაგრამ ეს საფრთხე გაცილებით დიდია და ახდენს გავლენას ევროკავშირისა და მთლიანად ევროპის უსაფრთხოებაზე.

"კრონე"თქვენ ერთხელ ინტერვიუში თქვით, რომ ეშინიათ სამხრეთ ოსეთისხელახალი გასაბჭოების, რა იგულისხმეთ ამით?


ქეთევან ციხელაშვილი: გადახედეთ რეგიონში გადაღებულ ფოტოებს. ჩვენ გვაქვს სურათები სადაც ჩანს თუ როგორ აფრიალებენ საბავშვო ბაღის მოსწავლეები დროშებს საბჭოთა სიმბოლიკით და მღერიან სტალინ და ლენინის მადიდებელ სიმღერებს; საბავშვო ბაღში! ბავშვები სათამაშო იარაღებით მარშირებენ და ტანკების სურათებს ხატავენ. ისინი თამაშობენ საომარ თამაშებს და მეტოქე ყოველთვის საქართველოა და მათ ის უნდა მოკლა. რეგიონში მცხოვრებ ქართველ ბავშვებს ეკრძალებათ ქართულად საუბარი; ეს სრული სიგიჟეა.  

"კრონე": თქვენ ერთხელ მოითხოვეთ, რომ ევროკავშირმა და აშშ- შუამავლის როლი შეასრულონ. შიშობთ, რომ - ისევე როგორც უკრაინაში 2014 წელს - რუსეთ საერთაშორისო საზოგადოების რეაგირებამდე შემოიჭრება?

 


ქეთევან ციხელაშვილი: ეს უკვე მოხდა 2008 წელს. ეს იყო, ცივი ომის დასრულების შემდეგ ძალისმიერი გადაადგილების პირველი მცდელობა. ეუთოს ფარგლებში მიმდინარეობს მოლაპარაკებები, რუსეთსა და საქართველოს შორის, არის .. ჟენევის მოლაპარაკებები. მაგრამ რუსეთი დისკუსიას აჭიანურებს,ისევე როგორც  მინსკის მოლაპარაკებებზე უკრაინის თემაზე. მათ ხელი მოაწერეს შეთანხმება ჯარს აიყვანის შესახებ,  მათ ეს არ გააკეთეს და პირიქით, კიდევ უფრო მეტი გამოგზავნეს. ჩვენ ჟენევაში მოლაპარაკებების დაახლოებით 50 რაუნდი გვქონდა და მაინც, ყოველთვის ლაპარაკი სჯობს, ვიდრე არ საუბარი. ჩვენ გვსურდა სამი არსებითი საკითხის უზრუნველყოფა,  პირველი: ძალადობის დასრულება. რუსეთი ამას არ დაემორჩილა. მეორე: საერთაშორისო დაცვის ძალები ტერიტორიაზე განთავსება. რუსეთმა ეს არ დაუშვა. და მესამე: იძულებით გადაადგილებული პირების დაბრუნება. ასევე არ მომხდარა.

"კრონე"რუსეთის გარდა,  სხვა ვინმემ აღიარა სამხრეთ ოსეთის და აფხაზეთის „დამოუკიდებლობა“?


ქეთევან ციხელაშვილი: ვფიქრობ, ვენესუელა, ნიკარაგუა, სირია, ტუვალუ და ნაურუ. მაგრამ ტუვალუმ უკან წაიყო ეს გადაწყვეტილება. ასე რომ, რეალურად ეს რუსეთისთვის სრული ფიასკოა. ეს რეგიონები არ არიან დამოუკიდებელი, არამედ მთლიანად არიან დამოკიდებულნი რუსეთზე. მათ მთელ ტერიტორიას აკონტროლებს რუსეთის უშიშროების სამსახური.

"კრონე"პუშკინის, ევტუშენკოს და მსგავსი რუსი პოეტებისთვის საქართველო არის სამოთხის ბაღი, სადაც ხვდებიან რუსების სულები, თუ ისინი ამას იმსახურებენ. გარდა ამისა, თქვენი ღვინო ძალიან ცნობილია. მაგრამ ეს არ იქნება მიზეზი, რის გამოც, რუსეთს სურს საქართველოს მითვისება. თქვენი აზრით, რა არის ამის რეალური მიზეზი?

ქეთევან ციხელაშვილი:  რთული სათქმელია. რუსეთს აქვს იმპერიალისტური მისწრაფებები და სურს აღადგინოს საბჭოთა იმპერია. რუსეთის პრეზიდენტმა ვლადიმერ პუტინმა 2000 წელს თქვა: ”მე-20 საუკუნის უდიდესი გეოპოლიტიკური კატასტროფა იყო საბჭოთა კავშირის დაშლა.” იმავე წელს მან აღადგინა საბჭოთა ჰიმნი, როგორც რუსეთის ეროვნული ჰიმნი, თუმცა განსხვავებული ტექსტით. რატომღაც  ისინი ვერ გათავისუფლდნენ ამ  ფრანკენშტეინის მსგავსი არსებისგან,  რომელსაც საბჭოთა კავშირი ჰქვია. დასავლეთისთვის ცივი ომი შეიძლება დასრულდა, მაგრამ მოსკოვისთვის ეს ასე არ არის. ამიტომ ხდება მათი განახლება, ისინი გადადიან დაპირისპირების რეჟიმში; ეკონომიკურადაც კი. შეხედეთ უკრაინას: ნავთობი და გაზი, როგორც საგარეო პოლიტიკაზე ზეწოლის საშუალება.

"კრონე"ეს ასევე ჩანს ბელორუსიაშიც. რუსეთი, ბელორუსული რძის პროდუქტის ყველაზე მსხვილი მომხმარებელია. როგორია საქართველოს (რუსეთზე) დამოკიდებულება?
ქეთევან ციხელაშვილი:  არც ისეთი ძლიერი როგორც ადრე. რამდენჯერმე ემბარგოც კი დაგვიყენეს, მაგალითად ღვინოზე. მაგრამ ეკონომიკურად ჩვენ მივაღწიეთ რუსეთისგან დამოუკიდებლობას.

"კრონე": საქართველომ ხელი მოაწერა ასოცირების ხელშეკრულებას ევროკავშირთან; 2024 წელს თქვენ გსურთ კიდევ ერთი ნაბიჯით მიუახლოვდე ევროკავშირს. როგორ აფასებთ ბრუსელიდან დადებითი პასუხის მიღების შანსებს?


ქეთევან ციხელაშვილი:  ჩვენ არ ვართ გულუბრყვილოები არ და არ ვართ რომანტიკულ იდეებში ჩაძირულები. ჩვენ ვიცით რა გამოწვევები გველის. ევროატლანტიკური ინტეგრაცია გასული წლიდან ჩვენი კონსტიტუციის  ნაწილია. ჩვენ ვცდილობთ აღვადგინოთ ჩვენი პირველი რესპუბლიკის სულისკვეთება, სადაც საქართველომ შეიმუშავა ძალიან პროგრესული პოლიტიკა, როგორიცაა მაგალითად, ქალთა თანასწორობა. საქართველო ევროპის ნაწილია.

https://www.krone.at/2424022?fbclid=IwAR145U6PinEGmgNwS4kHOEMcNdbusjQAuIOrTlk41Cjuu6WgptyK4pN1590