რწმუნებათა სიგელის გადაცემა ქ. ვენაში გაერთიანებული ერების ოფისის გენერალურ დირექტორთან
ავსტრიის რესპუბლიკაში საქართველოს საგანგებო და სრულუფლებიანმა ელჩმა, ევროპაში უსაფრთხოებისა და თანამშრომლობის ორგანიზაციასა (ეუთო) და ვენაში განლაგებულ სხვა საერთაშორისო ორგანიზაციებში საქართველოს მუდმივმა წარმომადგენლმა, ალექსანდრე მაისურაძემ ქ. ვენაში გაერთიანებული ერების ოფისის გენერალურ დირექტორს, ღადა ვალის რწმუნებათა სიგელი გადასცა.
ცერემონიის შემდეგ გამართულ შეხვედრაზე საუბარი შეეხო გაერო-სა და საქართველოს შორის სხვადასხვა მიმართულებით არსებულ წარმატებულ თანამშრომლობას და მისი გაღრმავების პერსპექტივებს.
