საქართველო ვენის გასტრონომიულ გამოფენაზე - Genusmesse 2023
17 სექტემბერს, ქალაქ ვენის ისტორიულ დარბაზ კურსალონში, Gault & Millau Austria ორგანიზებით გაიმართა მასშტაბური გასტრონომიული გამოფენა - Genusmesse 2023. საელჩოს მხარდაჭერითა და Gault & Millau Georgia ჩართულობით, სპეციალური სტუმრის სტატუსით ავსტრიელ შეფებთან ერთად წელს პირველად წარდგა საქართველოს წარმომადგენლობა.
დამსწრე სტუმრებს სიტყვით მიმართა ელჩმა, ქეთევან ციხელაშვილმა, რომელმაც ხაზი გაუსვა ქართული სამზარეულოსა და ღვინის უნიკალურობას, აგრეთვე, მადლიერება გამოხატა მასპინძელი მხარისა და ქართული წარმომადგენლობის მიმართ.
ღონისძიების ფარგლებში, შეფებმა: ქეთევან ბაქრაძემ და გურამ ბაღდოშვილმა დამსწრე სტუმრებისთვის კულინარიული მასტერკლასები გამართეს. ღონისძიებას ესწრებოდნენ გასტრონომიული სფეროს წამყვანი ავსტრიელი და საერთაშორისო ვიზიტორები. სტუმრებს, ქართული კერძების გარდა, შესაძლებლობა ჰქონდათ, დაეგომვნებინათ ქართული ღვინო.
