ავსტრიის რესპუბლიკაში საქართველოს საგანგებო და სრულუფლებიანი ელჩის სამუშაო ვიზიტი ავსტრიის შტირიის ფედერალურ მიწაზე

ვიზიტის ფარგლებში ელჩმა შეხვედრები გამართა შტირიის მიწის გუბერნატორთან მარიო კუნასეკთან, მიწის ადგილობრივი პარლამენტის (ლანდტაგის) პრეზიდენტთან გერალდ დოიჩმანთან, ქ. გრაცის მერთან ელკე კართან, ადგილობრივი სავაჭრო/ეკონომიკური პალატის დირექტორთან კარლ-ჰაინც დერნოშეკთან და პალატასთან არსებული ინტერნაციონალიზაციის ცენტრის დირექტორთან, კარლ ჰარტლებთან. შეხვედრებზე ხაზი გაესვა საქართველოს, კერძოდ კახეთის რეგიონსა და შტირიის მიწას შორის არსებულ ხანგრძლივ და ნაყოფიერ ურთიერთთანამშრომლობას, მისი გაღრმავების სამომავლო გეგმებსა და პერსპექტივებს.

 

ელჩმა შეხვედრები ასევე გამართა გრაცის უნივერსიტეტის რექტორთან პეტერ რიგლერთან, ლეობენის სამთო უნივერსიტეტის რექტორთან პეტერ მოზერთან, თბილისის ტექნიკური უნივერსიტეტისა და ლეობენის უნივერსიტეტის პარტნიორობის ფარგლებში, ავსტრიაში მყოფ ქართველ სტუდენტებთან.