ავსტრიის რესპუბლიკაში საქართველოს საგანგებო და სრულუფლებიანი ელჩის ალექსანდრე მაისურაძის სამუშაო ვიზიტი ზემო ავსტრიის ფედერალურ მიწაზე

ვიზიტის ფარგლებში ელჩის შეხვედრები შედგა ფედერალური მიწის აღმასრულებელ და საკანონმდებლო ხელისუფლების წარმომადგენლებთან, კერძოდ, ზემო ავსტრიის ფედერალური მიწის გუბერნატორთან თომას შტელცერთან, რეგიონული პარლამენტის (Der OÖ Landtag) თავმჯდომარესთან მაქს ჰიგელსბერგთან და ქ.ლინცის ვიცე-მერთან, კარინ ლაიტნერთან. შეხვედრებზე საუბარი შეეხო საქართველოსა და ავსტრიის რესპუბლიკას შორის მჭიდრო მეგობრულ ურთიერთობებს, აგრეთვე, რეგიონულ დონეზე სხვადასხვა სფეროში ურთიერთთანამშრომლობის გაღრმავების პერსპექტივებს.

 

ელჩმა შეხვედრა ასევე გამართა რეგიონის სავაჭრო პალატის ეკონომიკური პოლიტიკას და საგარეო ვაჭრობის ხელმძღვანელთან, რობერტ ლაიტნერთან. მხარეებმა ყურადღება გაამახვილეს სამომავლო თანამშრომლობის ფართო სპექტრზე.

 

ვიზიტის ფარგლებში ელჩი დაესწრო საღმრთო ლიტურგიას, რომელიც ქ. ვენის წმ. კეთილმსახურ დავით აღმაშენებლის სახელობის ტაძრის წინამძღვარმა იღუმენმა ილიამ (ჩადუნელი) აღავლინა. საღმრთო ლიტურგიის შემდეგ, ელჩმა შეხვედრა გამართა ქართული დიასპორის წარმომადგენლებთან.